Saritu genap 2 taun aku ngelengka ke ruai tu laban ke belelang ke menua bukai meh nitihka periuk asi diri empu. Pengelama 2 taun aku udah enda ngelepaka diri ba ruai tu, diak aku tetemuka ruai tu baru.
Ngelamatu aku enda ingatka jaku tama ruai aku empu, nya ti ngasuh ati lalu puntan ka nganchauka tikai, ka bebantaika tuak, ka benahka pemakai sereta ka belaluka temuai. Puji Tuhan amat, 2 hari ke udah, diak aku nerima pesan ari pengajar lama aku suba ba Mua Bup ti ngasuh aku meri dua tiga lekajaku kelulu pasal iya ti udah ngajar kami suba. Ba dalam kutak pesannya, diak aku tepedaka pesan aku ti ngasuh iya ngabas ruai aku. Diak aku nguji ngapa muka ruai aku baru sereta ngujika jaku tama ti mansa ati enggau runding aku mayanya.
Terima kasih amat ngagai Apai ti Besai Kuasa. Iya udah ulih ngasuh aku ingat baru sereta meri aku pengering enggau pengerindu kena nyambung nengkebang ruai tu baru.
Arapka udah tu, aku ulih bekunsi sereta bejuraika penemu pasal pengerindu Tuhan Jesus Kristus enggau penemu dunya ke bukai naka ni ke alah aku meh ngambika bala temuai ruai aku tu sama bela nemu. Jaku ke penudi bendar, aku besampi sereta ngajih ke semua kita bela diberekat Apai. Amen.
skip to main |
skip to sidebar
JOHN8:12 [ JESUS BEJAKU BARU ENGGAU SIDA, KU IYA, "AKU TU PENAMPAK DUNYA. BARANG SAPA TI NITIH KA AKU DEKA BISI PENAMPAK TI NGASUH IDUP, LALU ENDA MUDAH BEJALAI DALAM PEMETANG."]
SELAMAT DATAI
TABI BASA DALAM PENGASIH KRISTUS NGAGAI BALA TEMUAI KE DATAI NGUSUNG DATAI NGABAS RUAI TU. NGARAPKA RUAI TU ULIH MEREKAT PENGIDUP KITA SERETA SAMA BERATI KE JAKU AJAR ARI BUP KUDUS. ENTI KITA MINTA, KITA DEKA DIBERI, ENTI KITA NGIGA, KITA DEKA TETEMU, ENTI KITA NGETUK PINTU, PINTU DEKA DIBUKA KE KITA.
No comments:
Post a Comment